وزیر ریلوے سعد رفیق نے کہا کہ والٹن میں تاریخی یادگار کا خواب غلام حیدرو ائیں نے دیکھا تھا، مسلم لیگ ن کے ہر دور میں ترقیاتی منصوبوں پر کام ہوا، 24ارب کی لاگت سے منصوبہ شروع ہوگا، سرکارکا ایک پیسا نہیں لگے گا۔ ، وزیراعظم نے فیصلہ کیا کہ باب پاکستان کی یادگار کے لیے درآمدی ماربل نہیں لگے گا، وفاقی وزیر خواجہ سعد رفیق نے کہا کہ آج 2023 میں ہم باب پاکستان کی تاریخی جگہ کھڑے ہیں، یہ وہی مقام ہے جہاں ہزاروں کی تعداد میں مہاجرین ہجرت کر کے آئے تھے، والٹن میں تاریخی یادگار کا خواب غلام حیدر وائیں نے دیکھا تھا، مسلم لیگ(ن)کے ہر دور میں باب پاکستان کے منصوبے پر کام ہوا، منصوبے پر سرکاری خزانے کا استعمال نہیں کیا جائے گا۔ شہباز شریف کے دور میں یہاں پارکس، روڈز اور دیگر منصوبے بنے، جو ادارے میرے ذمے ہیں ان کے تعاون کے بغیر یہ پروجیکٹ ممکن نہیں تھا، یہ سب کی مشترکہ کاوش ہے، وفاقی گورنمنٹ اور وفاق کے تمام اداروں کا شکریہ ادا کرتا ہوں، ایسے منصوبے ملک کے تمام بڑے شہروں میں بننے چاہئیں، ایسے منصوبوں کے لئے پرائیویٹ پبلک پارٹنرز کی بہت اہمیت ہے، باب پاکستان 24 ارب روپے کی لاگت کا منصوبہ ہے ،اس منصوبے میں سپورٹس کی سہولیات بھی ہوں گی۔

کریڈٹ: انڈیپنڈنٹ نیوز پاکستان-آئی این پی