محکمہ انسداد دہشتگردی (سی ٹی ڈی )نے کالعدم تحریک طالبان کی فنڈنگ میں ملوث2 کارندوں کو کراچی سے گرفتار کرلیا۔ ترجمان سی ٹی ڈی کے مطابق ملزمان کو نیوکراچی انڈسڑیل ایریا اور شیرشاہ سے گرفتار کیا۔ ملزمان میں فضل الرحمان اور رحیم آفریدی شامل ہیں۔ پولیس حکام کا کہنا ہے کہ ملزمان کمانڈر سیف اللہ عرف گلئی کے کہنے پر کام کرتے تھے، ملزمان دہشت گردوں کی فیملی کیلیے فنڈنگ کررہے تھے۔ ملزمان سے فنڈنگ کی رقم اور لٹریچر بھی برآمد کرلی گئی۔ ترجمان سی ٹی ڈی کا کہنا ہے کہ ملزم فضل الرحمان کے 4ساتھی وزیرستان میں خودکش دھماکوں میں ہلاک ہوچکے۔

کریڈٹ: انڈیپنڈنٹ نیوز پاکستان-آئی این پی