وفاقی وزیر برائے دفاع خواجہ آصف نے کہا ہے کہ یونان کشتی حادثہ کے زمہ داران کے خلاف سخت ترین ایکشن لیا جائے اس کاروبار کو بند ہونا چاہیے پارلیمنٹ سوگوار خاندانوں کے غم میں برابر کی شریک ہے ،یونیورسٹیاں ایسے لوگوں کے ہاتھوں میں دی جائیں جو خدمت کا جذبہ رکھتے ہوں۔ قومی اسمبلی کا اجلاس سپیکر قومی اسمبلی راجہ پرویز اشرف کی سربراہی میں منعقد ہوا اجلاس میں نقطہ اعتراض پر گفتگو کرتے ہوئے وزیر دفاع خواجہ آصف نے کہاکہ کشتی حادثے میں 300سے زائد پاکستانی جان بحق ہوگئے ۔یہ سلسلہ 1970کی دہائی میں شروع ہوا جب ہمارے لوگوں نے روزگار کے لیے بیرون ملک جانا شروع ہوئے اور یہ کاروبار بھی شروع ہوا. یورپ بھجوانے کا کاروبار غیرقانونی شروع ہوگیا ۔یونان کی کوسٹ کارڈز نے ظلم کیا جس پر یونان کے لوگوں نے احتجاج کیا ۔جو لوگ اس کاروبار میں ملوث ہیں ان کے خلاف سخت ترین ایکشن لینا چاہیے اس کے علاوہ کوئی چارہ نہیں ہے۔ اگر ہماری اکانومی صحیح چل رہی ہوتی تو یہ حادثات نہ ہوتے ۔ یہاں روزگار کے مواقع نہ ہونے کی وجہ سے لوگ بیرون ملک جاتے ہیں۔ وزیراعظم نے سوگ کا اعلان کیا ۔اس کاروبار کو بند ہونا چاہیے ۔ان لوگوں کے تانے بانے ترکی اور دیگر ملکوں میں بھی ہیں ۔لیبیا میں بھی ہیں ۔یہ لوگ خفیہ ترکیہ سے نہیں گئے ائیرپورٹ سے گئے ہیں. پارلیمنٹ بھی سوگ وار خاندانوں کے ساتھ شریک ہے۔ یہ قومی مسئلہ ہے اس کو حل ہونا چاہیئے ۔ وائس چانسلر کے خلاف لفظ پر معذرت کی ۔ایسے وائس چانسلر ہیں جو 11سال سے وائس چانسلر ہیں قائمہ کمیٹی بلاتی ہے نہیں آتے ہیں ۔ ایک وائس چانسلر ٹرمینیٹ ہوئے ہیں مگر سٹے آڈر پر بیٹھے ہوئے ہیں ۔ وائس چانسلر کا وقت مکمل ہوجائے تو گھر جائیں ۔اورسیز پاکستانیوں کی بات کی ۔میں نے گلف میں کام کرنے والوں کی تعریف کی ۔ 65لاکھ اورسیز پاکستانی عرب ممالک میں ہیں۔ یہ ہماری لائف لائن ہیں۔ میں نے ان لوگون کے بارے میں کہاتھا جن کے پاکستان میں سٹیک نہیں ہیں ۔جو لوگ کہتے ہیں کہ پاکستان ترسیلات بند کریں میں نے ان کی مذمت کی ہے۔ عرب ملکوں میں 4ہزار درہم کماتے ہیں تو 35سو پاکستان بھجتے ہیں۔

میرا اعتراض امریکہ میں پاکستانیوں پر ہے انہوں نے لابنگ کی۔عمران خان کے حق میں بیان آتے رہے اس کو پیسے دیتے رہے 9مئی کو پاکستان پر حملہ ہوا۔تو ایک طبقہ ہے جو عمران خان کے ساتھ ہے ۔ عرب ملک میں کام کرنے والے پاکستانیوں کی ترجیح صرف پاکستان ہے۔ پاکستان جن کی لائف لائن پاکستان ہے وہ پاکستان کے محسن ہیں جو عمران خان کو لائف لائن سمجھتے ہیں ان کی مذمت کرتا ہوں جو ترسیلات بند کرنے کی بات کرتے ہیں اس کی مذمت کرتا ہوں ۔اس پر سپیکر قومی اسمبلی نے کہاکہ کشتی حادثے پر حکومت کو سختی سے محاسبہ کرنا چاہیے حلقے کے لوگوں کو تعلیم دیں کہ ان لوگوں کے جھانسے میں نہ آئیں انسانی سمگلروں کو سخت سزا دی جائے ۔وائس چانسلر کی عزت ہے جو انفرادی ہیں ان کا محاسبہ ہونا چاہیے ۔اورسیز کا پاکستان کی ترقی میں اہم کردار ہے ۔ان کی اکثریت پاکستان کی محبت میں ڈوبی ہوئی ہے اگر کسی ایک بندے نے زرمبادلہ بھیجنے کی روکنے کی بات کی ہے تو اس کی مذمت کرتا ہوں۔رکن اسمبلی۔میر منور علی تالپور نے کہاکہ پاکستان میں ایسے حالات نہیں کہ لوگ بیرون ملک جائیں پاکستان میں کوئی جنگ نہیں ہورہی ہے یہاں باقاعدہ کاروبار ہے لوگ دکانیں بناکر بیٹھے ہوئے ہیں۔چیئرمین پبلک اکانٹس کمیٹی نور عالم خان نے کہاکہ اورسیز پاکستانیوں نے 9مئی کے واقعات کی مذمت کی ہے ۔ سمگلر ایران سے لوگوں کو لے کرجاتے ہیں ہجرت چلتی رہتی ہے۔ جس کو کیس دیاگیاہے وہ قابل بندہ ہے ۔رکن اسمبلی محسن داوڑ نے کہاکہ آج صبح ہمارے ممبر قومی اسمبلی علی وزیر کو شمالی وزیرستان سے گرفتار کرلیا گیا ہے ۔پرچہ ایف آئی اے سائبر کرائم کا پشاور میں ہواہے۔ ان پر چارج کیا ہے عدالت میں بھی پیش نہیں کیا گیا ہے ۔ ہم نے یہاں قانون بنایا تھا کہ سیشن کے دوران کسی کو گرفتار نہیں کیا جاسکتا ہے سیشن جاری یے مگر ان کو گرفتار کرلیا گیا مولانا عبدالاکبر چترالی نے کہاکہ وزیر دفاع سے اتفاق کرتا ہوں سوال یہ ہے کہ لوگ بیرون ملک کیوں جارہے ہیں ملک کیوں چھوڑ رہے ہیں قوانین ہیں مگر ان پر عمل نہیں ہورہاہے۔ سب سے بنیادی کام ایجنسیوں کی ہے 25ایجنسیاں کام کررہی ہیں۔ قانون پر عمل درآمد کیا جائے ۔راجہ پرویز اشرف نے کہاکہ ملک میں یوم سیاہ منایا جارہاہے(محمداویس)

کریڈٹ: انڈیپنڈنٹ نیوز پاکستان-آئی این پی