چین کے صوبہ یوننان نے نیشنل ہائی وے 5 ( این 5) کے ارد گرد درخت لگانے کے منصوبے کو سپانسر کیا، جسے ''گو گرین پاکستان، یونان چیپٹر، پیج 1 کے نام سے جانا جاتا ہے۔ حال ہی میں حتمی شکل دی گئی ہے۔ جنوبی سندھ میں این 5 کے ساتھ 5000 زیادہ درجہ حرارت اور خشک سالی کے خلاف مزاحمت کرنے والے درختوں کے پودے اب کھڑے ہیں۔چائنا اکنامک نیٹ کے مطابق پاکستان کو موسمیاتی تبدیلیوں کے چیلنجز کا سامنا ہے، چین کا یونان، جو کہ جنگلات کی بحالی اور آلودگی کو کم کرنے کی کوششوں کے لیے مشہور ہے، آگے بڑھا اور یونان پیپلز ایسوسی ایشن فار فرینڈ شپ ود فارن کنٹریز اور چائنا یوننان سنی روڈ اینڈ برج کارپوریشن کے ذریعے عطیہ کیا۔ جو پاکستان میں بنیادی ڈھانچے کے مختلف منصوبوں پر کام کر رہی ہے۔ چائنا اکنامک نیٹ کے مطابق یہ منصوبہ جنوبی سندھ میںشدید موسم سے سب سے زیادہ متاثر ہونے والے علاقوں میں سے ایک ، این 5 کے انٹرچینج ایریا ، پاکستان کی شمالـجنوب ٹریفک ٹرنک روڈ کیساتھ شروع کیا جائے گا ۔ اس منصوبے سے گرین کوریج میں اضافہ، پانی اور مٹی کے نقصانات کو کم کرنے اور ماحولیاتی تحفظ کے بارے میں مقامی باشندوں کے شعور کو بڑھانے کی توقع ہے۔ اس کے بعد چینی فریق ایک سال تک پودوں کی دیکھ بھال کرے گا تاکہ ان کی بقا کو یقینی بنایا جا سکے اور منصوبے کے اثرات کو زیادہ سے زیادہ بنایا جا سکے۔ چائنا اکنامک نیٹ کے مطابق اس منصوبے کو پاکستان کی وزارت اقتصادی امور، کیپٹل ڈویلپمنٹ اتھارٹی (سی ڈی اے) اور نیشنل ہائی وے اتھارٹی (این ایچ اے) کی جانب سے زبردست پذیرائی ملی ہے۔

کریڈٹ: انڈیپنڈنٹ نیوز پاکستان-آئی این پی