ماسکو (شِںہوا) روسی وزارت خارجہ نے نیوزی لینڈ کے 31 عہدیداروں، صحافیوں اور عوامی شخصیات کا روس میں داخلہ ممنوع قرار دینے کا اعلان کیا ہے۔

وزارت نے کہا ہے کہ یہ فیصلہ نیوزی لینڈ حکومت کی جانب سے روسی شہریوں اور قانونی اداروں پر عائد کردہ نئی پابندیوں کے جواب میں کیا گیا ہے۔

بتایا گیا ہے کہ نیوزی لینڈ کے شہریوں کا "کیف کی حمایت" اور "روس مخالف ایجنڈے کی تشہیر" کے سبب روس میں داخلہ ممنوع قرار دیا گیا ہے۔

دسمبر 2022 میں نیوزی لینڈ نے 23 روسی شہریوں کے خلاف پابندیاں عائد کی تھی ۔ نیوزی لینڈ نے ان پر غلط اطلاعات کی مہم چلانے کا الزام عائد کیا تھا۔