صدر شی نے ان خیالات کااظہار گزشتہ روز سی پی سی کی 20ویں مرکزی کمیٹی کے پولیٹیکل بیورو کے تیسرے گروپ اسٹڈی سیشن کی صدارت کرتے ہوئے کیا۔

انہوں نے کہا کہ سائنس اور ٹیکنالوجی میں زیادہ خود انحصاری اور طاقت کے حصول کے لیے بنیادی تحقیق کو مضبوط بنانا فوری ضرورت اور سائنس اور ٹیکنالوجی  کے شعبے میں عالمی رہنما بننے کا یہی واحد راستہ ہے۔

چینی صدرنے کہا کہ پارٹی اور ملک نے ہمیشہ بنیادی تحقیق کو اہمیت دی ہے۔

انہوں نے کہا کہ اس وقت سائنس ٹیک انقلاب اور صنعتی تبدیلیوں کا ایک نیا دورسرعت کے ساتھ  آگے بڑھ رہا ہے، بین الضابطہ انضمام فروغ پارہا ہے، سائنسی تحقیق کاماڈل گہری تبدیلیوں سے گزر رہا ہے، معاشی اور سماجی ترقی کے ساتھ سائنس اور ٹیکنالوجی کا انضمام تیز ہو رہا ہے اور یہ کہ بنیادی تحقیق کے اطلاق کا سائیکل نمایاں طور پر مختصر اور بنیادی تحقیق میں بین الاقوامی سطح پر مقابلہ آگے بڑھ رہا ہے۔

صدر شی نے کہا کہ بین الاقوامی  سطح پر سائنس ٹیک مقابلے سے نمٹنے، زیادہ خود انحصاری کے حصول ، ترقی کے نئے ماڈلزاور اعلیٰ معیار کی ترقی کو فروغ دینے کے لیے بنیادی تحقیق کو مضبوط اورکلیدی ٹیکنالوجیزکواس کے ماخذ اور ابتدائی سطح سے حل کرنے کی فوری ضرورت ہے۔

انہوں نے بنیادی تحقیق کے مستقبل کے حوالے سے اسٹریٹجک اور منظم ترتیب کو مضبوط بنانے کی کوششوں پر زور دیا۔

صدر شی نے کہا کہ دنیا میں سائنس اور ٹیکنالوجی  کے نئے آئیڈیاز کو اہم قومی تزویراتی ضروریات اور اقتصادی وسماجی ترقی کے اہداف کے ساتھ مربوط کیا جانا چاہیے۔