بیجنگ(شِنہوا)چین کا مقامی طور پر تیار کردہ اے جی 600 ایمفیبیئس طیارہ 2025 میں مارکیٹ میں آنے کی توقع ہے جو پانی اور خشکی دونوں سے اڑان بھرنے کی صلاحیت رکھتا ہے۔چین کی معروف طیارہ ساز کمپنی  ایوی ایشن انڈسٹری کارپوریشن آف چائنہ (اے وی آئی سی)کے مطابق آگ بجھانے والے مخصوص ماڈل اے جی 600ایم ہوائی جہاز کا تعلق پانی اور خشکی دونوں سے اڑان بھرنے کی صلاحیت کے حامل اے جی600 ایمفیبیئس بڑے ہوائی جہاز کی قسم سے  ہے جو 2024 میں ٹائپ سرٹیفکیٹ حاصل کرلے گا۔ اے وی آئی سی نے کہا کہ  وہ  2025 میں اے جی 600ایم  فائر فائٹنگ طیاروں کی ابتدائی چھوٹے بیڑے کی فراہمی کو آگے بڑھانے کی کوشش کرے گا۔چینی طیارہ ساز اے جی 600ایم طیارے کی قسم کے ایک اور ماڈل کو خاص طور پر ریسکیو مشنز کے لیے بھی سہولت فراہم کرے گا تاکہ 2025 میں ٹائپ سرٹیفکیٹ حاصل کیا جا سکے۔سال 2023 ہوائی جہازوں کی تیاری کے لیے اہم ہے کیونکہ اس سال بڑے ٹیسٹ مشنوں کا ایک سلسلہ شروع ہونے والا ہے۔ چینی طیارہ ساز نے کہا کہ وہ اے جی 600 ایم  طیارے کو آگ بجھانے کے مشن کی خدمت کے قابل بنانے کی کوشش کرے گا۔