شیامن (شِنہوا) چین کے مشرقی صوبہ فوجیان کے شہر شیامن میں چین انٹرنیٹ تہذیب کانفرنس 2023 کا آغاز ہو گیا ہے۔

کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کے رکن اور سی پی سی مرکزی کمیٹی کے  شعبہ تشہیر کے سربراہ لی شولی نے کانفرنس میں شرکت کے دوران اہم تقریر کی۔

تہذیب کی طاقت کو یکجا کرکے ایک عظیم سفر پر آگے بڑھنے کے موضوع پر منعقد ہونے والی اس دو روزہ کانفرنس کی مشترکہ میزبانی سینٹرل سائبر اسپیس افیئرز کمیشن کے دفتر، سینٹرل کمیشن فار گائیڈنگ کلچرل اینڈ ایتھیکل پروگریس، سی پی سی فوجیان صوبائی کمیٹی اور فوجیان کی صوبائی عوامی حکومت کر رہی ہے۔

اس تقریب میں تقریباً800 افراد بشمول سرکاری حکام، انٹرنیٹ کمپنیز اور سماجی تنظیموں کے نمائندے، ماہرین اور انٹرنیٹ صارفین شرکت کر رہے ہیں۔