واشنگٹن(شِنہوا) امریکی کانگریس نے تقریباً 858 ارب ڈالرمالیت کا سالانہ دفاعی بجٹ(نیشنل ڈیفنس آتھرائزیشن بل) منظور کر لیا ہے۔ ایوان نمائندگان سے منظوری کے ایک ہفتے کے بعد امریکی سینیٹ نے مالی سال 2023 کے لیے نیشنل ڈیفنس آتھرائزیشن ایکٹ (این ڈی اے اے) کی منظوری  دے کر اسے صدر کے دستخطوں کے لیے وائٹ ہاؤس بھیج دیا ہے۔ این ڈی اے اے  کے ذریعے  816 ارب 70 کروڑ ڈالر پینٹاگون کے لیے اورامریکی محکمہ توانائی کے تحت قومی سلامتی کے پروگراموں کے لیے 30ارب30کروڑ ڈالر مختص کیے گئے ہیں۔

قانون سازی کے ذریعے "افراط زر کے اثرات" سے نمٹنے کے لیے امریکی صدر جو بائیڈن کے تجویز کردہ بجٹ سے بھی  45 ارب  ڈالر سے زیادہ کی منظوری دی گئی ہے۔امریکہ کو فوجی سرگرمیوں پر بھاری اخراجات کی وجہ سے شدید تنقید کا سامنا ہے۔ 2021 میں، امریکی فوجی اخراجات دنیا کے مجموعی فوجی  اخراجات کے تقریباً 40 فیصد کے برابر تھے، جوسرفہرست  نو ممالک کے مشترکہ اخراجات سے زیادہ ہیں۔