بیجنگ (شِنہوا) کمیونسٹ پارٹی آف چائنہ (سی پی سی) کی مرکزی کمیٹی کے خارجہ امور کمیشن دفتر کے ڈائریکٹر وانگ یی نے منگل کو یہاں امریکی صدر کے خصوصی ایلچی برائے موسمیات جان کیری سے ملاقات کی۔جان کیری سے ملاقات کے دوران سی پی سی کی مرکزی کمیٹی کے سیاسی بیورو کے رکن وانگ یی نے کہا کہ دنیا کو مستحکم چین-امریکہ تعلقات کی ضرورت ہے۔ نومبر میں، دونوں سربراہان مملکت نے بالی میں ملاقات کے دوران اہم مشترکہ مفاہمت پراتفاق کیا ۔ دونوں ممالک کو مشترکہ مفاہمت پر عمل درآمد کرتے ہوئے خلفشار کو دور کرنے کے لیے مل کر کام کرنا چاہیے اور چین-امریکہ تعلقات کو واپس ترقی کے ٹریک پرلانا چاہیے۔ وانگ نے کہا کہ چین ماحول دوست، کم کاربن اور پائیدار ترقی کے راستے پر گامزن اور موسمیاتی تبدیلی سے نمٹنے کے لیے بین الاقوامی تعاون میں فعال طور پر شریک ہے اورایک صاف اور خوبصورت دنیا کی تعمیر کو فروغ دے رہاہے۔
وانگ یی نے کہا کہ ان کا ملک باہمی مفاد پر مبنی تعاون کو تلاش کرنے اور مشترکہ طور پر موسمیاتی تبدیلیوں سے نمٹنے کے لیے امریکہ کے ساتھ بات چیت اور رابطوں کو مضبوط کرنے کے لیے تیار ہے، انہوں نے مزید کہا کہ چین-امریکہ موسمیاتی تبدیلی پر تعاون کی بڑی صلاحیت ہے اور یہ کہ یہ دونوں ممالک کے عوام اور چین-امریکہ تعلقات کی عمومی نوعیت کو سمجھے اور تعاون کے بغیرحاصل نہیں کیا جا سکتا۔